والي الجزيرة نحنا شعرنا بغبينة من جريمة الاوباش

شهد والي الجزيرة المكلف الاستاذ الطاهر ابراهيم الخير بحضور قائد الفرقه الأولى مشاه اللواء عوض الكريم علي ومدير شرطة ولاية الجزيرة اللواء عبد الإله محمد علي ومدير جهاز الأمن المخابرات المكلف المقدم معتز حامد ورئيس لجنة الدعم والسند الشيخ عبدالمنعم ابوضريرة ورئيس المقاومة الشعبية بولايه الجزيرة اللواء م صلاح خالد، شهدوا إحتفال تخريج لواء الاستراتيجية حيث شهدوا طابور عرض من المستنفرين وفقرة من التدريب علي حرب المدن والتعامل مع العدو.
وحيا والي الجزيرة في كلمته رئيس لجنة السند والدعم الشيخ عبدالمنعم ابوضريرة الذي كان له القدح المعلي في تخريج هؤلاء الشباب و قال والي الجزيرة : ارسل رساله الى العدو اقول ليهو ولعت استلام ٢٠٩٨ من المستنفرين جاؤوا بارادتهم بقوة وانت لين و في القلب غبنيه واضاف والي الجزيرة : نحنا مجزرة ودالنورة والعبدناب وعسير وازرق والسريحة وكل الغبينة موجودة عندنا ونظافة العدو بهولاء المستنفرين واردف : نحنا نرفع التمام الي القائد العام للقوات المسلحة الفريق اول ركن عبدالفتاح البرهان نقول هؤلاء الجنود جاهزين الي اي مكان وانا متأكد تماما هم علي قدر المسؤولية وبحرارة قلبكم دي مدني شايفنها قريبآ جدا ومتأكد تمام انكم انضميتو الي الفرقه الاولي مشاه ماشين لتحرير مدني قريبآ جدا.
فيما اكد قائد الفرقه الأول مشاه اللواء عوض الكريم علي جاهزية ٢٠٩٨ من المستنفرين للدفاع عن أرض الجزيرة وقال : اننا فرحين بهولاء المستنفرين ولكن هذا الفرحه تعتبر منقوصه نسبة الي ان اهلنا في الجزيرة مازالوا يعانون من هؤلاء الاوباش قليلي الادب واضاف : نحنا من الان ماعندنا كلام المستنفرين جاهزين قوات مسلحة جاهزين امن ياجن جاهزين والشرطه جاهزة تاني ماعندنا حاجه تأخير كثير لتحرير الجزيرة من الان اي زول يعمل الف حساب انه ماشي الي قدام، واردف شكرا انك جيت من تلقاء نفسك للدفاع عن ارضك وعرضك وقال والله تاني ماعندنا اي حاجه غير نزحف نعمل اي حاجه مدني قريبآ بإذن الله ونحنا معكم قدام والفرحه الثانيه تكون في مدني بإذن الله.
وقال رئيس المقاومة الشعبية بالمحليه المناقل العقيد م حاتم بشير نحتفل اليوم بتخريج لواء الاستراتيجي بالمناقل والذي يبلغ عدد ٢٠٩٨ مستنفرين اكملوا التدريب لمدة ثلاث اشهور من مختلف أحياء المناقل منهم ٤٥٠ من اخوات نسيبه وسريه الاسناد الطبي الذي اكمل التدريب علي الاسعافات الأولية واخلاء الجرحي وان هؤلاء إضافة حقيقة الي الفرقه الأولي مشاه.